Улсын Их Хурлын Хууль зүйн байнгын хороо өчигдөр хуралдаж, Цахим орчин дахь өсвөр үеийнхний үе тэнгийн дээрэлхэлт, ялгаварлан гадуурхалт, сэтгэл санааны хүчирхийлэл, түүний хор уршгийн талаарх мэдээлэл сонссон. Энэ үеэр УИХ-ын гишүүн А.Ариунзаяа "2023 оны судалгаагаар жилд 502 хүн буюу САРД 40 ХҮН АМИА ХОРЛОСОН. 2019-2023 онд 19 нас хүртэлх 253 ХҮҮХЭД амиа хорлосон байна. Энэ дата дээр хэн ч ажиллахгүй байна. Цахим орчныг хязгаарласнаар үе тэнгийн дээрэлхэлт зогсоно гэсэн үг биш" гэв.
