Тонн тутам нь тутам нь 150 ам.доллар хүрч байсан нүүрсний үнэ өнөөдөр дэлхийн зах зээлд 96 ам.доллар болж сар гаруйн хугацаанд 8.25 хувиар буураад байна. 2024 оны хагасаас хойш нүүрсний үнэ унасаар 100 ам.доллароос доош буураад байгаа нь манай улсын хувьд экспорт саарах, орлого дутах эрсдлийг дагуулж буй. Шинжээчдийн зүгээс нүүрсний үнэ 30 гаруй хувиар унасан бөгөөд цаашид ч буурах таамаг дэвшүүлэх болов. Монголбанкны зүгээс мөн адил нүүрсний үнийн уналт 2026 он хүртэл үргэлжилнэ гэх төсөөлөлтэй байна. Тус банкны мэдээлснээр, нүүрсний үнэ 2023 онд 117 ам.доллар байсан бол 2024 онд 101, 2025 онд 80, 2026 онд 75 ам.доллар байх тооцоог гаргаад байна.