УИХ дахь Төрийн байгуулалтын байнгын хорооны өнөөдрийн хуралдаандаар “Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай” Улсын Их Хурлын тогтоолын төслийг хэлэлцлээ.

Энэ үеэр Хотын дарга Х.Нямбаатар "Хотын инженерийн байгууламж, борооны ус зайлуулах систем хуучирч муудсан, өргөтгөж шинэчлээгүйгээс үүдэлтэй үер усны аюул тохиолдох болсон. Тиймээс бид Сэлбэ голын эх дээр тохируулгатай нуур хийсэн. Тэгвэл энэ жил Геодези, усны барилга байгууламжийн газрын залуучууд Сэлбэ голын эх дээр тохируулгатай 5 хиймэл нуур байгуулна. Ингэснээр голынхоо эх дээр үерийн усны тохируулга хийх боломж бүрдэнэ" гэв.