УИХ-ын Төсвийн байнгын хороогоор Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төсөл зэрэг хууль, тогтоолын төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан боллоо.

Энэ үеэр Хот байгуулалт, барилга, орон сууцжуулалтын сайд Ж.Батсуурь "Барилгын компаниуд 2019 оны тарифаар өнөөдөр үйл ажиллагаа явуулах ямар ч боломжгүй. Олон компани дампуурсан, дампуурлын ирмэг дээр ирсэн. Энэ онцгой нөхцөл байдлыг УИХ ойлгож эхний ээлжид 20 тэрбум төгрөгийн эх үүсвэрийг чөлөөлж өгнө үү" гэлээ.