2024 онд нийслэлийн замын сангийн хөрөнгөөр нийт 17 байршилд хотын гол болон туслах гудамж, замуудын шинэчлэлтийн ажлыг хийхээр төлөвлөжээ.

Энэ сарын 26-ны байдлаар зургаан байршилд засвар, шинэчлэлтийн ажил үргэлжилж байгаа аж. Тодруулбал,

• Намьяанжүгийн гудамж буюу Зүүн 4 замаас урагш Нарантуулын уулзвар хүртэлх
• Амгалангийн зам буюу Ботаникийн эцсээс Улиастайн гүүр хүртэлх
• ХААИС-ийн уулзвараас зүүн тийш Буган халиун чиглэл
• Соёолжийн нүхэн гарцаас Нарантуулын уулзвар хүртэлх
• Хилчин гудамжны засвар шинэчлэлтийн ажил хийгдэж байна.

Харин хотын гол болон туслах гудамж, замын урсгал засвар буюу нүхэн эвдрэлийг засварлах ажлыг төвийн зургаан дүүрэгт 201 байршилд хийнэ. Замын нүхэн эвдрэлийг засварлах ажил 35 хувьд хүрчээ.

Одоо Нарны зам, Энхтайваны өргөн чөлөө, 22-ын товчоо, Өнөр хороолол, Үйлдвэрчний гудамж, Хүнсчдийн гудамжны авто зам зэрэг 30 орчим байршилд авто замын нүхэн эвдрэл засварлах ажил үргэлжилж байгааг мэдээллээ.

Дараах замуудын нүхэн эвдрэлийг засварлаж, дуусжээ.

1. Чингэлтэйн өргөн чөлөө
2. Галданбошогтын гудамжны авто зам
3. Хайлаастын зам,
4. Ажилчны гудамжны авто зам
5. Хараагүйчүүдийн төвийн зам
6. Хасбаатарын гудамж
7. Ард Аюушийн гудамжны авто зам
8. Хүннүгийн гудамжны авто зам
9. Шархадны гудамжны авто зам
10. Натурын туслах авто зам
11. Олимпын гудамжны авто зам,
12. Парисын гудамжны авто зам.