Монгол орны ихэнх нутгаар Сибирийн хүйтэн агаарын урсгал дайран өнгөрөх тул ойрын өдрүүдэд хүйтний эрч эрс чангарах талаар Цаг уурын болон Онцгой байдлын байгууллагаас анхааруулж байгаа.

Өнөө шөнө төв болон зүүн аймгуудын нутгийн өмнөд хэсэг, говийн аймгуудын ихэнх нутгаар, маргааш өдөр буюу 15-нд нутгийн зүүн өмнөд хэсгээр цас орж, цасан шуурга шуурч, жавартай хүйтэн байх тул халтиргаа гулгаа нэмэгдэхийг онцгойлон анхаарууллаа.