УДЭТ-ын жүжигчин М.Тогтохжаргал төрөлх Завхан нутгийнхаа театрын тайзнаа туурвисан түүхэн бүтээлийн гол дүрд тоглож байна.

ТС, УГЗ Н.Наранбаатарын найруулга “АСАРЫН ӨНДӨР” түүхэн аялгуут жүжиг 10-р сарын 28-ны өдрөөс эхлэн Corporate convention center - ийн тайзнаа тоглох юм байна.

УГЗ Л.Ванганы нэрэмжит Завхан аймгийн хөгжимт жүжгийн театрын уран бүтээлчид Огторгуйн цагаан Гарьд сантай хамтран аймгийнхаа 100-н жилийн ойд зориулан туурвисан уг бүтээл өнгөрсөн 7-р сард Завхан аймагт нээлтээ хийсэн бөгөөд Соёл урлагийн салбарт төр хувийн хэвшил хамтран ажиллаж ард түмнийхээ оюун санаанд үнэтэй хувь нэмрийг оруулж буйгаараа онцлог юм.