А.Ариунзаяа: Хууль зүйн байнгын хорооны дараагийн даргын асуудлыг яриагүй байна

Хотын дарга Д.Сумъяабазар, Хот хариуцсан сайд Ж.Сүхбаатар нар ногоон автобусны худалдан авалт, тендерийн улмаас үүрэгт ажлаасаа чөлөөлөгдөж буй. Улмаар Хотын даргад ХЗДХ-ийн сайд Х.Нямбаатарыг, Хот хариуцсан сайдад УИХ-ын гишүүн Б.Дэлгэрсайханыг томилохоор МАН-ын Удирдах зөвлөлөөс шийдвэрлэлээ.

Харин ХЗДХ-ийн сайдад Хууль зүйн байнгын хорооны дарга Б.Энхбаярыг томилохоор болсон тул тус хорооны даргад хэнийг томилох талаар МАН-ын Нарийн бичгийн дарга А.Ариунзаяагаас тодруулахад "Хууль зүйн байнгын хорооны дараагийн даргын асуудлыг яриагүй байна" гэлээ.