“Айчи-Нагояа-2026” Азийн спортын XX наадмын жюү жицүгийн тэмцээнд Монголын тамирчин Б.Наранхишиг хүрэл медаль хүртлээ.
Эмэгтэйчүүдийн -63 кг-ын жинд өрсөлдсөн ОУХМ Б.Наранхишиг хэсгийн барилдаанд Тайландын Сиримак Аксарпакийг ялж, улмаар Вьетнамын Ти Минь Вуонгийг 2:0-ээр буулган авч хагас шигшээд шалгарсан байна.
Харин хагас шигшээд Филиппиний Энригес Александриа Лузэд ялагдсанаар хүрэл медалийн төлөө барилдсан юм.
Тэрээр хүрэл медалийн төлөөх барилдаанд Филиппиний Лао Андрей Лоисыг 2:0-ээр ялж, Азийн наадмын хүрэл медалийн эзэн боллоо.
Б.Наранхишиг нь Монголын жюү жицүгийн шигшээ багийн бүрэлдэхүүнд -63 кг-ын жинд өрсөлдөж байгаа бөгөөд өмнө нь U21 Азийн аваргаас алтан медаль, U21 дэлхийн аваргаас хүрэл медаль хүртэж байсан амжилттай.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!