Нүүрсний хэрэгт УИХ-ын 7 гишүүнийг холбогдуулан шалгаж байгаа талаар УЕПГ-аас мэдээллээ. Тодруулбал, шалгалтын явцад гурван гишүүний бүрэн эрхийг түдгэлзүүлэх саналаа УЕПГ-аас УИХ-д хүргүүлж, УИХ-ын гишүүн Т.Аюурсайхан, Б.Бат-Эрдэнэ нарын бүрэн эрхийг түдгэлзүүлсэн.

Харин УИХ-ын гишүүн Н.Наранбаатарын бүрэн эрхийг түдгэлзүүлэх шаардлагагүй гэж үзсэн юм.

Тэгвэл дахин өөр гишүүдийн бүрэн эрхийг түдгэлзүүлэх санал оруулах эсэх талаар Нийслэлийн прокурорын газрын Хэрэг бүртгэх, мөрдөн байцаах ажиллагаанд хяналт тавих 2 дугаар хэлтсийн дарга Г.Гэрэлтуяагаас тодруулахад "Гишүүний бүрэн эрхийг түдгэлзүүлэх саналыг мөрдөх байгууллагаас гаргадаг. Улмаар УЕПГ-аас саналыг нь УИХ руу оруулдаг. Одоогийн байдлаар Нийслэлийн прокурорын газарт АТГ-аас ямар нэгэн гишүүний бүрэн эрхийг түдгэлзүүлэх санал ирээгүй" гэлээ.