Туркийн таван иргэн сармагчны цэцэг өвчний халдвар авсан хэмээн тус улсын Эрүүл мэндийн сайд мэдээлэв. БНТУ-д хамгийн эхний халдвар зургаадугаар сарын 30-нд бүртгэгджээ.
Таван өвчтөнөөс дөрөв нь эдгэрч, нэг өвчтөний эмчилгээ үргэлжилж байгаа аж. Тус улсад халдвар авсан иргэдийг тусгаарлан, эмнэлэгт хэвтүүлж байгаа бол зарим улсад өөр бодлого баримталж байна.

Дэлхийн эрүүл мэндийн байгууллага (ДЭМБ) долоодугаар сард энэ өвчний улмаас дэлхий нийтэд онц байдал зарласан. Тус байгууллага хоёр удаа онц байдал зарласан нь менингит, ковид-19 цар тахлын халдварын үе байв.

ДЭМБ-аас мэдээлснээр сармагчны цэцэг өвчнөөр 75 улсын 16 мянган хүн өвчилж, долоодугаар сарын 26-ны байдлаар таван хүн нас баржээ.