Дуурь бүжгийн эрдмийн театрын барилгыг нураахаар болсон гэх мэдээлэл олон нийтийн сүлжээгээр цацагдаад буй. Харин энэ талаар Соёлын сайд Ч.Номин албан ёсны мэдээлэл өглөө Тэрбээр, "Их засварын ажил үргэлжилж байна.
Энэ барилга бол манай нэрт архитекторууд, уран барималчид, ахмад уран бүтээлчдийн театрын барилгын сонгодог жишээ болсон барилга. Одоогоор гадна багана, ханын будгийг бүрэн хуссан тул хуучирч муудсан төрх нь харагдаж байгаа юм. Мөн архитектурын чимэглэлүүдийг гэмтээхгүйгээр баримал ба чимэглэлийн хэсгүүдийг нөхөн сэргээж байна.
Азийн ягаан театр гэж нэрлэгдсэн алдарт театрын барилгын өнгийг өөрчлөхгүйгээр, их засварыг дуусгаж, уран бүтээлчид маань урлагт хайртай та бүхэнтэйгээ дуурийн тайзнаа удахгүй учран золгоно оо" гэв.
