УИХ-ын дөрөвдүгээр сарын 28-ны өдрийн хуралдаанаар төсвийн тодотголыг хэлэлцэж байх үеэр УИХ-ын гишүүн Т.Доржханд микрофоноо шидэж, хурлыг орхин гарсан юм. Тэрбээр эл үйлдлийнхээ дараагаар Сүхбаатарын талбайд "Өөрсдөө өөрчил, үгүй бол тар" гэсэн уриатайгаар жагсаж, тодорхой шаардлагуудыг УИХ-ын даргад хүргүүлсэн. Түүний хувьд УИХ-ын чуулганы хуралдаанд оролцохгүй байгаа юм. Тэгвэл хэзээнээс УИХ-ын чуулганд оролцох талаар өөрөөс нь тодруулахад "Шаардлагынхаа хариуг УИХ-ын дарга Г.Занданшатар Төрийн байгуулалтын байнгын хорооны даргаа цуг суулгаж байгаад өгнө гэсэн. Шаардлагын хариуг албан бичгээр өгөхөө албан ёсоор мэдэгдсэн. Маргаашдаа багтааж өгнө.

УИХ-ын үйл ажиллагаанд гишүүний хувиар оролцохгүй байгаа. Төрийн хэмнэлтийн тухай хуулийг хэлэлцэж байх үед эсэргүүцлээ илэрхийлсэн. Түүнээс хойш оролцоогүй. Шаардлагын хариу хангалттай байна гэж үзвэл миний бие УИХ-ын гишүүний үйл ажиллагаагаа үргэлжлүүлнэ" гэв.