Тордайн Ганболдын эхнэр Х.Янжингаажид өчигдөр /2022.04.26/ өөрийн цахим хуудсаараа дамжуулан 2016 онд батлуулсан гэрлэлтийн гэрчилгээг Т.Ганболд УБЕГ-аар устгуулсан гэх мэдээллийг нийтэлсэн.

Тэгвэл шүүхээр эцэслэн шийдвэрлээгүй байхад гэрлэлтийн гэрчилгээг цуцлах боломж бий эсэх талаар УБЕГ-аас тодруулахад "Тухайн гэр бүлийн эхнэр, нөхөр салах өргөдлөө шүүхээр эцэслэн шийдвэрлүүлсэний дараа манайд мэдээлэл ирж, гэрлэлтийн гэрчилгээг цуцалдаг. Өөр ямар нэг байдлаар манайхаас нууцаар хүчингүй болгох боломж байхгүй" гэлээ.

Сануулахад, түүний эхнэр Х.Янжингаажид "Ганболдоос салах өргөдлөө өгмөгц тэрээр уурсч өс санан Улсын Бүртгэлийн Ерөнхий газар, түүний архив, ТҮЦ машины лавлагаанаас бид хоёрын 2016 онд батлуулсан гэрлэлтийн гэрчилгээг устгуулсан байсан" гэсэн байдаг.