Манчестер Юнайтед болон Английн шигшээ багийн тоглогч асан, ЮНИСЕФ-ийн одоогийн элч төлөөлөгч, Английн хөл бөмбөгийн од Дэвид Бекхэм 71 сая гаруй дагагчтай Инстаграм хуудсаа Харьковын эрүүл мэндийн төвд хандивлалаа.
Энэ үйлдэл нь хүнд хэцүү байдалд ажиллаж байгаа эмч, ажиллагсдад дэлхий нийтийн анхаарлыг хандуулж, хандив цуглуулах зорилготой аж. “Би Инстаграм хуудсаа Украины Харьков хотын бүсийн эрүүл мэндийн төвийн дарга Иринад хүлээлгэн өгч байна. Эмч нар энэ хүнд цаг үеийн нөхцөлд жирэмсэн эхчүүдийг эсэн мэнд төрүүлэхээр ажиллаж байна. Та бүхний хандивын ачаар эмнэлэгт хүчилтөрөгчийн генераторууд худалдан авч, шинэ төрсөн хүүхдүүдийг хүнд нөхцллөөс амьд гарахад туслах юм" гэж тэрбээр мэдэгджээ.
