Хөгжмийн эмчилгээний дэлхийн өдөр өчигдөр тохиосон. Хөгжмийн эмчилгээ нь эмчлүүлэгчийг тайвшруулах увдистай, эмийн эмчилгээг дэмждэг гэж олон улсад үздэг байна.

Уг өдрийг тохиолдуулан Хавдар судлалын үндэсний төв сонгодог хөгжмийн эмчилгээний хэсэгтэй боллоо. Тодруулбал, Хөгжмийн эмчилгээний хэсгийг ХСҮТ-д хэвтэн эмчлүүлж буй иргэд, эмч ажилчдын сэтгэл санааг өргөх, эрч хүч өгөх зорилгоор "Монос" эмийн үйлдвэрийн дэмжлэгтэйгээр тохижуулжээ. Тус хэсэгт хөгжмийн төрөл бүрийн зэмсэг байрлуулсан бөгөөд зөвхөн хөгжимчин бус урлагийн бүхий л хүмүүст нээлттэй юм.