Өнөөдөр буюу тавдугаар сарын 5-нд Дэлхийн “Гарын эрүүл ахуйг сахих өдөр”-ийг тэмдэглэн өнгөрүүлэх хүрээнд ХСҮТ эмнэлгээр үйлчлүүлж буй үйлчлүүлэгч, тэдний ар гэрийнхэнд гарын эрүүл ахуйг сахих зөв дадлыг төлөвшүүлэх, олон нийтэд зөв ойлголт түгээх зорилгоор нээлттэй хаалганы өдөрлөгийг зохион байгууллаа. Өдөрлөгөөр бохир гараар дамжин үүсгэгддэг өвчлөл, гараа хэрхэн зөв угаах, гар угаах дараалал зэргийг үйлчлүүлэгчдэд танилцуулж, нөхөрсгөөр зөвлөлөө.
Гарын ариун цэвэр сахих нь эмнэлгийн ажилтан болон үйлчлүүлэгч тэдний гэр бүл эмнэлгийн тусламж үйлчилгээтэй холбоотой халдварт өртөхөөс сэргийлэх хамгийн хялбар арга юм.
