Цахим хөгжил, харилцаа холбооны яам Үндэсний статистикийн хороотой хамтран “Өрхийн болон хувь хүний мэдээлэл, харилцаа холбоо, технологийн хэрэглээний судалгаа”-г танилцуулсан. Цахим хөгжлийг хэмжих тайланд дурдсанаар өнгөрсөн онд дэлхийн нийт өрхийн 57.0 хувь нь интернэтэд холбогдсон байна.

Харин Монгол Улсын хувьд нийт өрхийн 80.0 хувь нь интернэтэд холбогдсон байна. Интернэттэй өрхийн 57.3 хувь нь суурин интернэт, 37.4 хувь нь хөдөлгөөнт өргөн зурвасын интернэт (3G, 4G, USB, modem), 5.3 хувь нь газрын утасгүй өргөн зурвасын интернэтийн үйлчилгээ хүлээн авч байгаа юм.

Мөн хотод амьдардаг нийт өрхийн 86.3 хувь, хөдөө амьдардаг нийт өрхийн 63.0 хувь нь интернэт хэрэглэж байна.