"Одоо”, “Хавар”, “Анзаарахгүй” зэрэг дуунуудаараа сонсогчдынхоо хайр хүндэтгэлийг хүлээсэн реппер, ая зохиогч, продюсер Lil Thug E нь цусны цочмог хорт хавдартай болох нь оношлогдоод байгаа. Энэхүү өвчин нь Монголдоо эмчлэгдэх боломжгүй байгаа бөгөөд маш яаралтайгаар чөмөг шилжүүлэн суулгах мэс заслыг нэн даруй хийх шаардлагатай байгаа юм.
Түүний эмчилгээний төлбөрт эхний байдлаар нийт 650.000.000 төгрөг болох бөгөөд найз нөхөд, гэр бүл, хип хопын ертөнц, Монголын ард түмнээсээ цуглуулах #BigLIFEforLilTHUGE хандивын аянд нэгдэхийг уриалж байна.
Тэгвэл уг хандивын аянд Мэргэжлийн сумо бөхийн 73 дахь Их аварга /Ёкозуна/ Тэрүнофүжи Г.Ган-Эрдэнэ нэгдэж, 10 сая төгрөг хандивлажээ. Мөн Сансар супермаркетын хамт олон 10 сая төгрөг хандивласан байна.
Lil Thug E эрүүл болж, олон уран бүтээлээрээ сонсогчидтойгоо уулзаж байх хувьтай хүн гэдэгт бид итгэж байна.
ХАНДИВЫН ДАНС: ХААН БАНК - 5163496119 /Л.ГАНЧИМЭГ/
