Дэлхийн эрүүл мэндийн байгууллагын "анхааралтай ажиглах хувилбарууд"-ын ангилалд орсон коронавирусний шинэ хувилбар болох “МU”-гээр халдварласан анхны тохиолдлууд БНСУ-д илэрчээ.

Тус улсын Өвчнөөс урьдчилан сэргийлэх, хяналт тавих төвөөс мэдээлснээр, шинэ хувилбараар халдварласан гурван тохиолдол бүртгэгдсэн бөгөөд Мексик, АНУ, Колумбиас зөөвөрлөгдөн ирсэн байна.

Тус хувилбар манай улсад орж ирээгүй байгаа хэдий ч цаг хугацааны асуудал болж байна. MU хувилбар дельта хувилбартай хавсарсан тохиолдолд аюултай гэдгийг албаны хүмүүс онцолж байна.