Токиогийн олимпын эмэгтэй чөлөөт бөхийн 62 кг-ын жингийн төрөлд манай бөх Х.Болортуяа эхний тойрогт Энэтхэг улсын бөх Малик Сонамтай барилдаж эхний ялалтаа байгууллаа.

Барилдаанд 2:2 харьцаатайгаар тэнцэж байгаад сүүлийн оноог манай тамирчин авч яллаа. Ингэснээр шөвгийн наймд Бразилын Лаис Нунес, Болгарын бөх, дэлхийн аварга, дэлхийн дэвжээнээс нийт зургаан медаль зүүгээд байгаа Тайбе Юсеин нарын ялсантай халз тулахаар боллоо.