2021 оны Олимпын наадмын нээлтийн ёслол Токио хотын Шинжүкү тойргийн Японы Үндэсний цэнгэлдэх хүрээлэнд болно. 1964 оны Токио Олимп ч мөн адил тус цэнгэлдэх хүрээлэнд болж байв.

Нээлтийн ёслол нь 1896 онд Афин хотноо орчин үеийн анхны наадмууд зохион байгуулагдсанаас хойш Олимп бүрийн салшгүй хэсэг болсон бөгөөд зохион байгуулагч орны хувьд үндэсний онцлогоо дэлхийд сурталчлах боломжийг олгодог юм.

Японы нэрт архитекторч Кенго Кумагийн бүтээсэн 1.5 тэрбум долларын өртөгтэй, гурван давхар цогцолбор нь Токиогийн зуны наадмын үеэр 68,000 суудалтай байхаар төлөвлөж байсан бөгөөд паралимпийн хөгжлийн бэрхшээлтэй хүмүүсийн суудал авах боломжийг нэмэгдүүлснээр 58,000 болж буурчээ.

Задгай зууван хэлбэртэй задгай цэнгэлдэх хүрээлэн нь уламжлалт хэв маягийг төрүүлсэн модон торон хийцтэй аж. Японд ургасан шинэс, хуш модыг барилгын материалын гол түүхий эд болгон ашиглажээ.