ХӨСҮТ-ийн Тандалт судалгааны албаны дарга А.Амбасэлмаа коронавирусний цаг үеийн мэдээлэл өглөө. Мэдээллийн үеэр батлагдсан тохиолдлуудын ойрын болон хоёрдогч хавьтлуудаас шинжилгээ авч байгаа талаар дурдлаа.
"Батлагдсан тохиолдлын ойрын хавьтал, хоёрдогч хавьтал болох албан байгууллагын хүмүүст шинжилжилгээ хийж байгаа. Тухайлбал, "X Apartment"-д гарсан батлагдсан тохиолдлын ойрын хавьтал NTV телевизэд ажилладаг учраас хоёрдогч хавьтал 94 хүнээс шинжилгээ авсан. Шинжилгээ үргэлжлэн явагдаж байна. Мөн "Bull" ресторанд хоёрдогч хавьтал байсан учраас 40 хүнээс шинжилгээ хийсэн. Шинжилгээний хариу сөрөг байна" гэж мэдээллээ.
