"Рио Тинто" групп өчигдөр буюу нэгдүгээр сарын 27-нд удирдлагын шинэ багаа танилцууллаа.

Энэхүү өөрчлөлтөөр Б.Болдыг Зэсийн группийн Гүйцэтгэх захирлаар томилжээ.

Тэрбээр анх 2013 онд "Рио Тинто" компанид ажиллаж эхэлсэн бөгөөд богино хугацаанд карьераа ахиулж буй Монголын мэргэжилтэн юм. 

• 2013 оны 6 дугаар сард Зэсийн группын Олон улсын үйл ажиллагаа хариуцсан Ерөнхийлөгчөөр,
• 2014 оны 5 дугаар сард Төмрийн хүдрийн группын далайн тээвэр хариуцдаг “Рио Тинто Марине” компанийн захирлаар,
• 2015 оны 8 дугаар сард Төмрийн хүдрийн группын Маркетинг, борлуулалт хариуцсан захирлаар  
• 2016 оноос "Рио Тинто"-ийн Эрчим хүч, эрдсийн группийн захирлаар ажилласан юм. 

"Рио Тинто" компанийг ирэх жилүүдэд удирдах шинэ баг:

• Гүйцэтгэх захирал - Якоб Стаусхолм 
• Зэсийн группийн гүйцэтгэх захирал Б.Болд 
• Худалдааны захирал - Алф Барриос
• Санхүү эрхэлсэн захирлын үүрэг гүйцэтгэгч - Питер Каннингэм
• Аюулгүй ажиллагаа, техникийн болон төслийн группийн гүйцэтгэх захирал Марк Дэвис
• Эрдсийн группийн гүйцэтгэх захирал Синайд Кауфман
• Хууль эрх зүй, гадаад харилцаа хариуцсан захирал Барбара Леви
• Хүний нөөцийн асуудал эрхэлсэн захирал Жеймс Мартин 
• Австралийн гүйцэтгэх захирал - Келли Паркер 
• Үйл ажиллагаа эрхэлсэн захирал - Арнауд суарат
• Стратеги, хөгжил хариуцсан захирал - Питер Тот
• Төмрийн хүдрийн группийн гүйцэтгэх захирал Саймон Тротт
• Хөнгөн цагааны группийн гүйцэтгэх захирал - Иван Велла

нар тус тус ажиллахаар болсон байна. Ийнхүү томилсон шинэ удирдлагууд "Рио Тинто"-ийн үйл ажиллагааны үр ашгийг дээшлүүлж, төсөл хөтөлбөрийг боловсруулж, компанийн байр суурийг бэхжүүлэхийн зэрэгцээ Австралид итгэх итгэлийг сэргээхэд илүү их анхаарал хандуулахыг зорьж байгааг мэдээлжээ.