УИХ-ын Төрийн байгуулалтын байнгын хорооны хуралдаанаар Үндэсний их баяр наадмын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл /УИХ-ын гишүүн О.Амгаланбаатар нарын 41 гишүүн 2025.11.27-ны өдөр өргөн мэдүүлсэн, хэлэлцэх эсэх/ хэлэлцэж, гишүүд асуулт асууж хариулт авлаа.

Энэ үеэр УИХ-ын гишүүн Ч.Лодойсамбуу "О.Амгаланбаатар гишүүн ээ, та эхлээд Говь-Алтай аймагтаа үндэсний триатлон зохион байгуулаад үз. О.Амгаланбаатар гишүүн сониуч хүн учраас "Нэг хүн эрийн гурван наадамд олон төрлөөр оролцох" санаачилгыг дэвшүүлж байна. Гэхдээ үүнийг хуульчлах шаардлагагүй" гэлээ.