Хотын даргын орлогч А.Амартүвшин Туулын хурдны замын талаарх байр сууриа өөрийн цахим хуудаснаа илэрхийлжээ. Тэрбээр "Өглөөний мэнд. Өглөөний 08:00 цагийн байдлаар замын хөдөлгөөн тун сийрэг байна. Хичээлийн бие даалтын 7 хоног эхэлсэн буюу ЕБС-ийн амралттай холбоотойгоор түгжрэл 30 хувиар бага байна. Бид Туулын хурдны замыг барьж ашигласнаар нийслэлийн замын ачаалал 30 хувиар буурна гэж тооцож байгаа юм. Өөрөөр хэлбэл, өнөөдрийнх шиг байдалтай байх боломж бүрдэх нь ээ.
Мэдээж байгаль эхээ хайрлах, нөхөн сэргээх ажлаа хийж мэргэжилтнүүдийн зөвлөмжийн дагуу ажил явуулах нь зүйн хэрэг юм" гэжээ.
