Ерөнхий сайдын 2026 оны нэрэмжит шагналыг хүртсэн Ардын жүжигчин Э.Амартүвшин маргааш буюу хоёрдугаар сарын 7-ны өдрийн 17.00 цагт Улсын дуурь, бүжгийн эрдмийн театрын тайзнаа ганцхан удаа тоглоно. Энэ талаараа тэрбээр, "Маргааш тоглолт маань болно. Ганцхан удаа тоглохоор төлөвлөсөн. 2 жилийн дараа театрынхаа тайзан дээр гарч, дэлхийн шилдэг долоон дуурийн нэг "Камелийн цэцэгт хатагтай" зохиолоос сэдэвлэн бүтээсэн 170 гаруй жилийн түүхтэй Ж.Верди “Травиата” дуурьд тоглох гэж байгаадаа баяртай байна" гэлээ.