Монгол залуус Америкийн оюутны лигүүдэд гялалзаж яваа талаа сэтгүүлч Б.Ялалт өөрийн цахим хуудастаа нийтэлжээ. Тодруулбал тэрбээр, "Монгол залуус Америкийн оюутны лигүүдэд гялалзсаар л явна. Н.Нандинхүсэл NCAA 2-р дивизоны Флорида Тек багаас анхны жилдээ 4 тоглолтод оролцож 16.5 оноо, 4.8 самбар, 4.5 дамжуулалт, 2.3 бөмбөг таслалт дундажлаад явж байна.

Саяхан нэг тоглолтод тааруу тоглосон ч түүнийхээ араас сайн тоглолт гаргаж гялалзлаа. Энэ эрчээрээ алдахгүй явбал түүнд 1-р лигээс санал ирж л таарна.

Ж.Цэнгүүн гэж бас нэг тоглогч Сан Франциско хотод Америк хөлбөмбөгөөр NCAA 3-р дивизонд хоёр жил тоглочихоод, одоо 1,2-р дивизоны багуудаас санал аваад сууж байна.

Хамгаалалтын урд талын шугам, Defensive Tackle байрлалд тоглодог гэнэ лээ. Энэ жил багийн амжилт нь 7-4 байсан ч плэйоффын эхний шатнаасаа мултарсан.

Өөр Америкийн коллежид гялалзаж яваа залуучуудын талаар мэдээлэл өгч хуваалцаарай. Тэдэнд бидний дэмжлэг бодитоор их бий шүү. Америкт оюутан тамирчдыг сургуулиуд сонгохдоо 1-р спортын амжилт, 2-т хичээл сурлага, 3-т сошил дахь нөлөө дагагчийг нь заавал хардаг. Инстаграмаар дагах нь л шууд бодит дэмжлэг байдаг шүү" гэжээ.