УИХ-ын Эдийн засгийн байнгын хороогоор “Стратегийн ач холбогдол бүхий ашигт малтмалын ордын төрийн эзэмшлийн хувь, хэмжээг орлуулах тухай” Улсын Их Хурлын тогтоолын төслийн анхны хэлэлцүүлгийг хийлээ.

Энэ үеэр байнгын хорооны дарга Р.Сэддорж "Ашигт малтмалын ордоос олж буй орлогын хэдэн хувь нь орон нутагтаа үлдэхийг иргэд сонирхож байна" гээд, мэдээлэл өгөхийг хүслээ. Сангийн яамны Татварын бодлогын газрын дарга Б.Тэлмүүн "Монголын талын өгөөж тооцогдох дүнгийн 22.3 хувь нь орон нутаг руу орохоор байгаа. Гэхдээ өгөөж тооцогдохгүй төлөх хэд хэдэн татвар бий" гэх тайлбарыг өглөө.