Эрүүл, зөв хооллолтын үндэс нь өглөөний цайг тогтмол уухаас эхэлнэ. Өглөөний цай ууснаар бодисын солилцоог эрчимжүүлэх, цусан дах сахарын хэмжээг тогтмол хэмжээнд байлгах, өлсөх мэдрэмжийг багасгаснаар өдрийн туршид их идэх эрсдлээс сэргийлнэ. Мөн ажлын бүтээмж өндөр, анхаарал төвлөрөлт сайн, шинэ юм хүлээж авах чадвар илүү байдаг. Нийгмийн эрүүл мэндийн үндэсний төвөөс гаргасан эрүүл зөв өглөөний цай болох буритоны жорыг хүргэж байна. Энэ нь дунджаар 400-500 ккал илчлэгтэй юм байна.
