Баянзүрх дүүргийн 26 дугаар хороо, Нийслэл хүрээ өргөн чөлөөний хэсэгчилсэн засвар, шинэчлэлтийн ажил зургаадугаар сарын 1-нд эхлэх гэж байна. Тодруулбал,

Засварын ажлын нэгдүгээр хэсэг болох "Дүнжингарав" худалдааны төвийн уулзвараас "И-Март" худалдааны төвийн уулзвар хүртэлх/ хойд хэсгийн авто замыг ирэх сарын 01-ний 23:00 цагаас 03-ны 06:00 цагийн хооронд хааж, авто замын хэсэгчилсэн засвар, шинэчлэлтийн ажлыг хийж гүйцэтгэхээр болжээ.

Мөн тус ажлын хоёрдугаар хэсэг "И-Март" худалдааны төвийн уулзвараас "Дүнжингарав" худалдааны төвийн уулзвар хүртэлх хэсгийн авто замыг зургаадугаар сарын 04-ний 22:00 цагаас 06-ны 06:00 цагийн хооронд хааж, авто замын хэсэгчилсэн засвар, шинэчлэлтийн ажлыг хийж гүйцэтгэх юм байна.

Тус ажлын хүрээнд тэгш байдал алдагдсан, суулт үүссэн авто замын хашлагыг асфальтбетон хучилтын түвшинд тааруулан засварлах, инженерийн шугам сүлжээний худгийн тагийг асфальтбетон хучилтын түвшинд тааруулах, авто замын зорчих хэсгийг асфальтбетон хучилтын ажил хийгдэх аж.

Иймд иргэд, жолооч та бүхэн бусад замыг сонгон хөдөлгөөнд оролцоно уу.