"Эрдэнэт үйлдвэр" ТӨҮГ-ын ажилчид ажил хаялт зарлаад буй. Тус үйлдвэрийн Үйлдвэрчний эвлэлийн зүгээс ажилчдын үндсэн цалинг 50 хувиар нэмэгдүүлэхийг шаардаж буй юм. Үүнтэй холбогдуулан хэрэв тус саналыг хүлээж авбал үйлдвэрийн цалингийн зардалд гарах өөрчлөлтийн талаар “Эрдэнэт үйлдвэр” ТӨҮГ-ын Ерөнхий захирал Г.Ёндонгоос тодруулахад "Үйлдвэрийн ажилчдын цалинг сүүлд VI сард 10 хувиар нэмсэн. Хэрэв үндсэн цалинг 50 хувиар нэмвэл үйлдвэрийн цэвэр ашиг 36 хувиар буурч, цалингийн зардал 220 тэрбум төгрөгөөр нэмэгдэнэ" гэсэн юм.