Засгийн газрын хуралдаанаас гарсан шийдвэрийг ЗГХЭГ-ын дарга Д.Амарбаясгалан танилцууллаа. Энэ үеэр тэрбээр "Ерөнхий сайд Л.Оюун-Эрдэнийн БНХАУ-д айлчлах айлчлалын товыг хоёр улсын ЗГ хэлэлцэж тогтоосон. Энэ нь нууцлалын зэрэгтэй байдаг учир хугацааг шууд хэлэх боломжгүй.

Ерөнхий сайдын айлчлал улстөр болон эдийн засгийн ямар өндөр ач холбогдолтой байх талаар хоёр тал маш нарийн ярилцаж байна. Улс хоорондын экспорт, импортын асуудлыг нэг мөр шийдсэн, төмөр замын холболтын цэгүүдийн эцэслэн тогтоох зэргээр хоёр тал хариуцлагатайгаар ажиллаж байна" гэлээ.