Цаг агаарын нөхцөл байдлын улмаас авто замуудад мөстлөг үүссэн тул Архангай, Завхан, Увс аймаг руу зорчих хөдөлгөөнийг түр хугацаанд хаасан гэж АТҮТ-өөс мэдээллээ.

Тодруулбал, Өнөөдөр Архангай, Өвөрхангай, Дундговийн хойд, Булган, Орхон, Төв аймгийн өмнөд хэсгээр цасан шуурга шуурах төлөвтэй байгаа аж. Иймд онцын шаардлагагүй бол орон нутгийн замд хөдөлгөөнд оролцохгүй байх, тээврийн хэрэгслийн бүрэн бүтэн байдлыг хангахыг албаныхан анхаарууллаа.

Маргааш өдөр Архангай, Булганы нутаг, Төв аймгийн баруун хэсгээр их цас орох тул малчид, тариаланчид та бүхнийг сонор сэрэмжтэй байхыг анхааруулж байна. Автозамын хөдөлгөөнийг хэдий хугацаанд хаах нь одоогоор тодорхойгүй байна.