Өнөөдрийн засгийн газрын хуралдаанаас гарсан шийдвэрийн талаар Цахим хөгжил, харилцаа холбооны сайд Н.Учрал мэдээлэл өглөө. Энэ үеэр тэрбээр дараах зүйлийг хэллээ.
"Монгол Улсын засгийн газар хувийн хэвшлээр тодорхой ажлуудыг гүйцэтгүүлэх, аутсорссинг хийлгэх байдлаар ажиллах нь хамгийн зохимжтой. Ялангуяа харилцаа холбоо, мэдээлэл технологийн салбар бодлогоо барина, хувийн хэвшил, мэргэжлийн холбоотуудаараа тодорхой ажлуудыг гүйцэтгэх зарчим барина.
Түүнээс биш төр өөрөө программ хангамж үйлдвэрлэдэг, технологи үйлдвэрлэдэг, хувийн хэвшлүүдтэйгээ өрсөлддөг энэ байдлыг хална. Тиймээс бодлогоруугаа анхаарч ажиллах нь зөв гэж энэ салбарыг хариуцаж буй хүний хувьд үзэж байна" гэлээ.
