Аж ахуйн нэгж, байгууллага, иргэдэд олгосон нийт зээлийн өрийн үлдэгдэл энэ оны гуравдугаар сарын эцсийн байдлаар 22.1 их наяд төгрөг боллоо. Энэ нь өмнөх сараас 797 тэрбум, өмнөх оны мөн үеийнхээс 4.5 их наяд төгрөгөөр нэмэгдсэн байна. .

Нийт зээлийн өрийн үлдэгдлийн 51.9 хувь нь иргэд, 46 хувь нь хувийн, 1.3 хувь нь төрийн, 0.8 хувь нь санхүүгийн болон бусад байгууллагынх аж. Хэвийн зээлийн өрийн үлдэгдэл нийт зээлийн өрийн үлдэгдлийн 86 хувийг эзэлж байна. Харин хугацаа хэтэрсэн зээлийн өрийн үлдэгдэл гуравдугаар сарын эцэст 969.3 тэрбум төгрөг байна.