Хөгжлийн банкны асуудлаар байгуулагдсан УИХ-ын ажлын хэсгийнхэн цаг үеийн асуудлаар мэдээлэл өглөө.
Ажлын хэсгийн ахлагч, УИХ-ын гишүүн Б.Баттөмөр "Хөгжлийн банкны асуудлыг нийгэмд хөндөн гаргаснаас хойш 21 ААН 48.9 тэрбум төгрөгийн төлөлт хийсэн байна. Шүүхийн шатанд 30.9 хувь нь байна. 11 удаа хойшилсон шүүх хурал байна.
Зээлийг зориулалтын бусаар ашигласан 20 ААН байна. Тухайлбал, “Болор шүр” ХХК, Капитал банк, Бэрэн групп ХХК зэрэг байгууллагууд багтаж байна.
Мөн амжилттай хэрэгжиж байгаа найман төсөл байна. Үүнд Дулааны цахилгаан станц, Газрын тос боловсруулах үйлдвэр, Говь комбинат, МИАТ, Монполимет зэрэг байгууллагууд багтаж байна" гэлээ.
