Нийслэлийн захиргааг Яармаг дахь шинэ байр руу нүүх чиглэлийг Монгол Улсын Засгийн газар өгсөн. Энэ дагуу ирэх сард бэлтгэл байдал хангагдаж, нүүхээр зэхэж байгаа талаар НЗДТГ-ын Төрийн захиргаа, удирдлагын хэлтсийн дарга Ү.Ганболд мэдээллээ.

Тэрбээр "Яармагийн шинэ цогцолбор байр луу нүүх бэлтгэл ажлууд батлагдсан төлөвлөгөөний дагуу хийгдэж байна. Эмнэлэг 11 дүгээр сарын 20-нд чөлөөлөгдсөн. Үүнтэй холбогдуулан ариутгал, халдваргүйжилтийг хийсэн. Зарим засварын ажлууд байгаа. 12 дугаар сарын 10-нд Улсын комисс хүлээж авах төлөвлөгөөтэй байгаа. Нүүлгэн шилжүүлэх байгууллагууд, зохион байгуулалтын асуудлууд бэлэн болж байгаа" гэв.