Энэ сарын 1-нээс буюу өнөөдрөөс эхлэн соёл, урлаг, спортын арга хэмжээг нээж буй. Үүнтэй холбогдуулан Ерөнхий сайд Л.Оюун-Эрдэнэ мэдээлэл өгөв. Тэрбээр "Баяр ёслолын, үзвэрийн үйлчилгээний үйл ажиллагаанд хамрагдаж байгаа бүх хүн түргэвчилсэн шинжилгээ өгнө. Эсвэл гуравдахь тунд хамрагдсан бичлэгээ үзүүлж нэвтрэх шаардлагатай. Түргэвчилсэн шинжилгээ 20 мянган төгрөгийн төлбөртэй байна. Мөн эрүүл мэндийн салбарынхныг зохион байгуулалтад оруулж үзвэр үйлчилгээний газруудад вакцинжуулалтын цэгүүдийг байршуулна" хэмээлээ.