Энэтхэгийн эрх баригчид гэртээ амны хаалт зүүхийг иргэддээ зөвлөжээ. Энэ тухай Энэтхэгийн “COVID-19”-тэй тэмцэх ажлын хэсгийн ахлагч Винод Кумар Пол  “Өмнө нь бид зөвхөн гэрээс гарахдаа амны хаалтаа зүүхийг иргэддээ зөвлөж байсан бол одоо халдварт өвчний нөхцөл байдал даамжирч буй учир гэртээ ч амны хаалт зүүх шаардлагатай гэж үзэж байна. Халдвар авсан иргэд гэртээ байгаа үедээ амны хаалтаа заавал зүүх шаардлагатайгаас гадна гэр бүлийн бусад гишүүн ч мөн амны хаалт хэрэглэх ёстой” гэжээ.

  Энэтхэгт тав дахь өдрөө дараалан өдөрт хамгийн олон тохиолдол илэрчээ. Сүүлийн 24 цагийн хугацаанд халдварын 352 991 тохиолдол бүртгэгдэж, цар тахал дэгдэж эхэлснээс хойш халдвар авсан хүний тоо 17 313 163-д хүрсэн байна.