Энэ мэдээ хуучирсан буюу 2021/03/07-нд нийтлэгдсэн мэдээ болно.

УДЭТ-ын уран бүтээлчид коронавирусийн халдвар авжээ

Ангилал
Нийгэм
Огноо
Унших
2 минут 6 секунд

Улсын драмын эрдмийн театрын уран бүтээлчид коронавирусийн халдвар авжээ. Театрын уран бүтээлчид төдийгүй захиргаа, албан хаагчдаас халдвар илрээд буйг эх сурвалж хэллээ. 

"Анна Каренина" жүжгийг энэ сарын 4-ноос эхлэн тайзнаа тоглох тов гараад тоглож байсан ч тодорхойгүй хугацаагаар цуцалж, тасалбар худалдан авсан иргэдийг буцаалт хийх боломжтой хэмээн мэдэгдэл гаргажээ. Мөн Сүхбаатар дүүргийн онцгой комиссоос театрын үйл ажиллагааг зогсоох шийдвэр гаргасан байна. 

Мэдэгдэлд, 

Улсын драмын эрдмийн театрын эрхэм үйлчлүүлэгч, үзэгчид Та бүхэнд энэ өдрийн мэндийг хүргэе. Нийслэлийн Сүхбаатар дүүргийн онцгой комиссын 2021 оны 03 дугаар сарын 07-ны өдрийн 13/7/12 дугаартай албан мэдэгдэл, холбогдох хууль дүрэм журмыг үндэслэн коронавируст халдвар /Ковид-19/-ын тархалт нэмэгдэж байгаатай холбогдуулан үзэгчид, уран бүтээлчид, ажилтан, албан хаагчдынхаа эрүүл мэнд, аюулгүй байдлыг хангах зорилгоор 2021 оны 03 дугаар сарын 07-ны өдрөөс 14-ны өдрийг хүртэлх хугацаанд тоглогдох байсан “Анна Каренина” жүжгийн тоглолт цуцлагдсаныг үүгээр мэдэгдэж үзэгч та бүхнээсээ хүлцэл өчье.

Иймд эрхэм үйлчлүүлэгч та бүхэнд дээрх хугацаан дахь худалдан авсан тасалбарыг тоглолт зөвшөөрөгдсөн үед шилжүүлэн үзэх, тасалбар буцаалт хийх боломжтой болохыг үүгээр уламжилж байна.

Жич: “Анна Каренина” жүжгийн (зөвшөөрөгдсөн) тоглолтын хуваарийн мэдээллийг цахимаар урьдчилан мэдэгдэх болно. Мөн тоглолтын тасалбарыг Улсын драмын эрдмийн театрын касснаас худалдан авсан бол (99250387) дугаараар холбогдох, www.ticket.mn сайтаас худалдан авсан бол (90101800, 1900-1800) дугаарт холбогдож буцаалт хийх боломжтой болно.

Хүлээцтэй, эерэг хандлагатай үйчлүүлэгч Та бүхэндээ баярлалаа

УЛСЫН ДРАМЫН ЭРДМИЙН ТЕАТР

2021 оны 03 дугаар сарын 07

Төв аймгийн Зуунмодод коронавирустай иргэн хулгайн замаар очжээ
Төв аймгийн Зуунмодод коронавирустай иргэн хулгайн замаар очжээ
 
Л.Оюун-Эрдэнэ: Э.Бат-Үүл бол ардчилсан хувьсгалын үзэл санаандаа үнэнч үлдсэн цөөхөн хүмүүсийн нэг
Л.Оюун-Эрдэнэ: Э.Бат-Үүл бол ардчилсан хувьсгалын үзэл санаандаа үнэнч үлдсэн цөөхөн хүмүүсийн нэг
Энэ мэдээ хуучирсан буюу 2021/03/07-нд нийтлэгдсэн мэдээ болно.