ОХУ-ын шүүх сөрөг хүчний улстөрч Алексей Навальныйг 30 хоног хорих шийдвэр гаргасан талаар бид мэдээлж байсан. А.Навальный энэ сарын 17-ны орой Германаас эх орондоо буцаж ирэхэд нисэх онгоцны буудлаас баривчлагдсан юм. Тэгвэл түүний дэмжигчид Москва хотын Пушкиний талбайд эсэргүүцлийн жагсаал зохион байгуулж байна. Жагсаал өдрийн 12:30 цагт эхэлжээ. 100 метрийн зайтай цагдаагийн хамгаалалт гарчээ.
Пушкиний талбайн автомашины зогсоол иргэдийн машин, цагдаагийн автобусаар дүүрчээ. Алс Дорнодод ч улстөрч Навальныйг дэмжигчдийн үйл ажиллагаа ширүүсч байгаа аж. Жагсаалд оролцогчдыг олноор нь баривчилж байна.
