Хойд бүсийн хавдрын оношилгоо эмчилгээний дэд төв үйл ажиллагаагаа эхлүүлснээс хойших хавдрын анхны мэс засал болох элэгний 6-7 сегмент тайрах мэс заслыг энэ сарын 5-ны өдөр амжилттай хийжээ. Тухайн иргэний биеийн байдал тогтвортой, хэвийн байгааг тус эмнэлгээс мэдээллээ.
Өнөөдрийн байдлаар тус эмнэлэг 17 нэр төрлийн эрүүл мэндийн тусламж үйлчилгээ үзүүлж байгаа бөгөөд цаашид 43 болгохоор зорьж буй аж. Тус төв нь энэ оны нэгдүгээр сарын 20-нд гэрчилгээ, тамгаа авснаас хойш магадлан итгэмжлэлээ авч, өнгөрөгч хоёрдугаар сарын 13-ны өдрөөс ЭМДЕГ-тай гэрээ байгуулан 192 төрлийн эрүүл мэндийн тусламж үйлчилгээг иргэдэд үзүүлсэн байна.
