Зам засварын ажилтай холбоотойгоор нийслэлийн зарим хэсгүүдэд авто зам хаажээ. Тодруулбал, Баянгол дүүргийн нутаг Гранд плаза-гаас Чингэлтэй дүүргийн нутаг 11-р сургуулийн уулзвар хүртэлх замыг өчигдөр буюу энэ сарын 21-ний өдөр 22:00 цагт түр хаажээ. Үүнээс үүдэн Энхтайвны өргөн чөлөө баруунаас зүүн тийш, зүүнээс баруун тийш ачаалал үүсэж, түгжрэл ихэсч байгааг Тээврийн цагдаагийн албанаас мэдээллээ. Иймд иргэд, жолооч нарыг түр хаасан замаас өөр зам сонгон зорчихыг зөвлөлөө. Гранд плазагаас 11-р сургууль хүртэлх замыг маргааш нээх юм байна. Бага тойрог болон их тойруугийн зам ачаалал бага байгаа аж.