Хөдөлмөрийн зах зээл сэргэж ажиллах хүчин нэмэгдэж байна. Энэ оны нэгдүгээр улиралд ажиллах хүчний оролцооны түвшин 62 хувь болж өмнөх оны мөн үеэс 0.9 нэгжээр өссөн байна. Өөрөөр хэлбэл, 15 ба түүнээс дээш насны 1.5 сая иргэн хөдөлмөр эрхэлж байна.
Ажиллах хүчний 94.6 хувийг ажиллагч бүрдүүлж байгаа бол 5.4 хувийг ажилгүй иргэн бүрдүүлж байгааг Үндэсний статистикийн хороо мэдээллээ. Мөн хөдөлмөр эрхлэлтийн түвшин он гарсаар эхний гурван сард 58.7 хувь болж өмнөх оны мөн үеэс 0.7 нэгж хувиар өссөн дүнтэй байна.
