УИХ-ын гишүүн, ХЗДХ-ийн сайд О.Алтангэрэл Өдрийн сонинд өгсөн ярилцлагадаа сайдаар томилогдсоноос хойших төрийн албаны шударга бус тогтолцоотой тэмцэж байгаа тухайгаа ярьжээ.

Тэрбээр "Олон нийтийн анхаарлын төвд тэр бүр, ярьж хэлээд байдаггүй ч ХЗДХ-ийн сайдаар томилогдсоноос хойш хэд, хэдэн агентлаг, байгууллагуудын дарга, дэд дарга болон бусад албан тушаалтнуудтай хариуцлага тооцсон. Энэ тухай олон нийтэд зарлаад байхаас илүүтэй ажил сайжруулах зорилготой учраас тухай бүрд нь шийдвэрлэн ажиллаж байна. Мэдээж алдаа гаргавал хэн ч хариуцлагаас хол өнгөрөхгүй. Нөгөө талд ХЗДХ-ийн сайд гэхээр л агентлаг, байгууллага бүрийн ажилд оролцдог, тэдний талаарх бүхнийг мэдэж байх ёстой, шийдвэр бүхэнд нь оролцдог гэдэг түгээмэл ойлголт байдаг. Байгууллага бүхэн өөрийн хуулиараа хариуцсан албан тушаалтнууд нь ажил үүргээ гүйцэтгэдэг" гэжээ.