"GUYS" хамтлаг 28 жилийн ойгоо тохиолдуулан, ирэх 5 дугаар сарын 31-ний өдөр "Сургууль минь баяртай" хэмээх тоглолтоо хийх аж. Уг тоглолтын дараа 21 аймгаа тойрон аялал тоглолт хийхээр төлөвлөсөн тухай тус хамтлагийн гишүүн, дуучин Л.Мөнх мэдээлэв.
Түүний хувьд "GUYS" хамтлагийн анхны 5 гишүүний нэг бөгөөд, урлагийн салбараасаа 20 жил хөндийрсний эцэст, 30 жилийн ойгоо угтаж хамтлагтаа эргэн нэгдсэн аж. Тус хамтлагийн хувьд 2 жилийн дараа тохиох 30 жилийн ойгоороо 5 гишүүнтэйгээ буюу бүрэн бүрэлдэхүүнээрээ тоглолт хийх төлөвлөгөөтэй байгаа аж. Хамтлагийн гишүүн М.Мягмар буюу Мийгаа нь Канад улсад гэр бүлийн хамт амьдарч байгаа бөгөөд, визний асуудал нь шийдэгдвэл ирэх 5-р сарын 31-ний тоглолтод ирэхээр төлөвлөж байгаа аж.
