Ерөнхий сайд Л.Оюун-Эрдэнэ баяр, амралтын өдрүүдэд Засгийн газрын гишүүд ажиллах үүргийг өгсөн. Засгийн газрын өчигдрийн ээлжит бус хуралдааны үеэр Төрийн захиргааны байгууллагыг өндөржүүлсэн бэлэн байдалд шилжүүлсэнтэй холбогдуулан ийнхүү шийдвэрлэжээ. Энэ хүрээнд өнөөдөр Эрчим хүчний сайд Б.Чойжилсүрэн өнөөдөр Бөөрөлжүүтийн цахилгаан станцад ажилласан бөгөөд 15:00 цагт 40МВт эрчим хүч нийлүүллээ. Тус станц нэгдүгээр сарын 6-наас 150 МВт буюу бүрэн хүчин чадлаараа ажиллах юм. Ингэснээр 2024-2025 өвлийн оргил ачааллын үед цахилгааны хязгаарлалт хийхгүй байх боломж бүрдэнэ.