Өнөөдөр хуралдсан УИХ-ын Төсвийн байнгын хорооны хуралдааны үеэр УИХ-ын гишүүн Г.Дамдинням ХХААХҮЯ Дархан руу нүүсэнтэй холбоотойгоор "Хөдөө, аж ахуйн яамны сангуудын харьяа газар, үл хөдлөх хөрөнгүүдийг зарж, орон сууц болгох асуудал яригдаж байна. Хэзээ ЗГ-ын ийм шийдвэр гарав" гэж асуулт тавьсан бол Сангийн сайд Б.Жавхлан "Дархан руу нүүсэн Хөдөө, аж ахуйн яамны ажилчдыг орон байраар хангах зорилгоор яамны харьяа хэд хэдэн обьектуудыг борлуулах ЗГ-ын шийдвэр гарсан.
Гэхдээ орон сууцыг ажилчдад эзэмшүүлэхгүй. Түр оршин суух боломжоор хангаж байгаа" гэж тайлбарласан бол УИХ-ын гишүүн Г.Дамдинням "Төрийн өмчийг зарж борлуулаад, орон байр авч болдог юм болов уу. Нэг л аюултай сонсогдоод явчихлаа" гэх байр суурийг илэрхийлэв.
