Сургуулийн өмнөх болон ерөнхий боловсролын тухай хуулийн дагуу хичээлийн бүтцийн талаар Боловсролын Ерөнхий газраас мэдээллээ. Тодруулбал,

-5.2.Ерөнхий боловсролын сургуулийн хичээлийн жил нь 09 дүгээр сарын 01-ний өдрөөс дараа оны 06 дугаар сарын 15-ны өдрийг хүртэл үргэлжилнэ.

-5.3.Ерөнхий боловсролын сургуулийн суралцагч хичээлийн жилийн хугацаанд 170-185 хоног хичээллэнэ.

-5.4.Ерөнхий боловсролын сургуулийн долоо хоногт хичээллэх цагийн тоо, ээлжит хичээлийн үргэлжлэх болон суралцагчийн амралтын хугацааг боловсролын асуудал эрхэлсэн Засгийн газрын гишүүн тогтооно.

Харин үүнтэй холбоотой судалгаа, тооцооллыг дараах байдлаар гаргажээ.

-OECD-ийн гишүүн орнуудын хичээлийн жилийн бүтэц, улирлын тоо, улирлын болон зуны амралтын хугацааг шинжилж, өөрийн орныхтой харьцуулав.

-Улс орнуудын хичээлийн жил дэх улирлын тоо: 19.4 хувь нь 3 улиралтай, 33.3 хувь нь 4 улиралтай, 38.9 хувь нь 5 улиралтай, 8.3 хувь нь 6 улиралтай.

-Улс орнуудын улирлын амралтын хугацаа: 16.7 хувь нь 2-3 долоо хоног, 27.8 хувь нь 3-4 долоо хоног, 27.8 хувь нь 4-5 долоо хоног, 16.7 хувь нь 5-6 долоо хоног, 11.1 хувь нь 6-8 долоо хоног

-Улс орнуудын зуны амралтын хугацаа: 22.2 хувь нь 4-6 долоо хоног, 33.3 хувь нь 7-9 долоо хоног, 28.9 хувь нь 10-12 долоо хоног, 5.6 хувь нь 13 ба түүнээс долоо хоног

-Бага боловсролын түвшинд манай улсын хичээллэх өдрийн тоо 32 долоо хоног буюу 160 өдөр байгаа нь хамгийн бага үзүүлэлт юм. OECD-ийн гишүүн орнуудын дундаж үзүүлэлт 186 өдөр байдаг байна.

Харин суурь боловсролын түвшинд манай улс 33 долоо хоног буюу 165 өдөр, OECD-ийн гишүүн орнуудын дундаж үзүүлэлт 184 өдөр, бүрэн дунд боловсролын түвшинд манай улс 34 долоо хоног буюу 170 өдөр байгаа бол OECD-ийн гишүүн орнуудын дундаж үзүүлэлт 183 өдөр байна.